零晨五時入院，經過十六小時待產，加一小時手術 (因 Kaitlyn 頭圍較大)，最後 Kaitlyn 响晚上十時零一分出世。
唔知係咪打咗麻藥嘅關係...當我第一眼見到佢嘅時候，感覺好複雜...好難形容。
October 22~24, 2009
响醫院休養咗幾日，我廿四日下午就可出院，但 Kaitlyn 因為有黃疸所以要留院照燈。
廿四號當日早上發生咗件事....話說廿三號晚 Dr. Chiu 返屋企過夜，所以佢走之前同護士講叫佢哋餵 Kaitlyn 飲奶...等我夜晚有得休息，到第二朝六時再帶佢比我餵人奶。點知等到十時都未見 Kaitlyn 問啲護士佢哋又唔講，擔心死我...後嚟先知原來佢有黃疸所以去咗照燈，車然冇人同我哋講聲，真係過份。
October 26, 2009
Kaitlyn 終於出院返屋企啦....呢晚 Pika 超級興奮，搞到全屋冇人可以安睡。
October 28, 2009
Pika 終於習慣屋企多咗個 BB 喇!!
不過我啲皮膚過敏又發作喇...搞到唔敢直接餵 Kaitlyn，好彩有 Pump 奶器，可以 pump 啲奶用奶瓶餵...同時奶奶同 Dr. Chiu 都可以幫忙照顧。
